الصوت ده طبيعي ولا عطل؟
نص الأصوات اللي بتقلق الناس طبيعية تماماً — بلبلة المياه في التلاجة، طقطقة الميكروويف، خبط أزرار الهدوم في المجفف. اختار الصوت اللي بتسمعه واعرف بصراحة: تسيبه ولا تتصرف.
الصوت جاي من أنهي جهاز؟
أصوات الثلاجة
أصوات طبيعية — سيبها
بلبلة أو خرير مياه بعد ما الكمبروسر يفصلطبيعي
ده صوت الفريون بيستقر في الدايرة بعد توقف الضغط. من أكتر الأصوات اللي بتقلق الناس وهو طبيعي تماماً وبيحصل في كل الثلاجات.
طقطقة خفيفة كل كام ساعةطبيعي
التمدد والانكماش الحراري للمواسير والبلاستيك مع دخول وخروج دورة الديفروست. صوت متقطّع وقصير — طبيعي.
طنين منخفض متواصل بيقف ويشتغلطبيعي
ده الكمبروسر شغال. المفروض يبقى منتظم ومش مزعج. لو الصوت اتغير فجأة أو بقى أعلى بوضوح، ساعتها يبقى محتاج فحص.
أصوات محتاجة فحص
طقطقة متكررة كل دقايق مع محاولة تشغيل وفشلمحتاج فحص
ده الريلاي بيحاول يشغّل الكمبروسر ومش قادر. الفحص لازم يبدأ من الريلاي والأوفرلود قبل أي حكم على الكمبروسر نفسه. — اقرا التشخيص الكامل
صوت احتكاك أو صفير بيزيد لما تفتح البابمحتاج فحص
مروحة المبخر بتحتك في تلج متراكم حواليها. المروحة غالباً سليمة والمشكلة الحقيقية في نظام الديفروست. — اقرا التشخيص الكامل
اهتزاز وخبط في الأرضيةمحتاج فحص
الجهاز مش مستوي أو ملاصق للحيطة أو لجهاز تاني. أحياناً بيتحل بضبط الأرجل بس. — اقرا التشخيص الكامل
إزاي تسمع صح
سجّل الصوت
سجّل الصوت بموبايلك وهو بيحصل. ده بيوفّر نص وقت التشخيص، لأن الصوت غالباً بيختفي بالظبط لما الفني ييجي — وده بيحصل كل يوم فعلاً.
امتى بالظبط بيحصل؟
الوقت اللي الصوت بيظهر فيه هو نص التشخيص: صوت في العصر بس غير صوت في الغسيل، وصوت بعد فصل الكمبروسر غير صوت وهو شغال. لاحظ اللحظة وقولها.
بيزيد ولا ثابت؟
الصوت اللي بيزيد أسبوع ورا أسبوع هو التحذير الحقيقي — والتدخل وهو لسه خفيف بيبقى أبسط وأرخص بكتير من الانتظار لحد ما يبقى مزعج.
جهازك بيعمل صوت مش موجود في القايمة دي؟ كلّمنا ووصّفه لنا — وصف الصوت والوقت اللي بيحصل فيه بيوصّلنا لنص التشخيص في التليفون.
أدوات تانية تفيدك
أدوات مجانية بنيناها من واقع شغل فنيينا — مش من كتالوجات المصانع